|
|
|
|
|
|||||||
| التسجيل | تفعيل العضوية | استعادة كلمة المرور | دليل المواقع | برامج | البحث | مشاركات اليوم | اجعل كافة الأقسام مقروءة |
 |
|
|
أدوات الموضوع | طريقة عرض الموضوع |
02-27-2009, 12:15 PM
|
#1 | |
 
تاريخ التسجيل: Nov 2008
العمر: 30
المشاركات: 1,075
|
تعال وقول ايه رايك فى تحرر البنت زمان ودلوقتى ؟؟
 شوف البنت بتعمل ازاي؟! مصر - سنة 1900 ميلادية  تقف "نحمده" لتطل من خلف المشربية.. تلمح "حسنين" فاردا عضلاته واقفا في قلب الحارة وهو يغمز لها بعينه، يحمر وجهها خجلا ثم تغلق المشربية بسرعة، و"حسنين" لسه زي ما هو.. فارد عضلاته وواقف في قلب الحارة مبسوط بنفسه! في الناحية الأخرى من الحارة تقف الست "أم عبده" تلمح المشهد تمصمص شفاهها ثم تقول: "ِشوف البت بتعمل ازاي؟! مش لاقيه حد يلمها.. حِكم!" *** مصر- سنة 1950 ميلادية  تسير "سوسن" في الشارع متجهة نحو جامعة القاهرة، وهي تحتضن "الأكلسير" الذي يضم كتبها وكشكول المحاضرات، على البوابة تقابل زميلها "أمجد" يبتسم لها فتبادله الابتسامة.. يسألها عن أحوالها ترد بصوت خافت وتقول إنها "كويسة الحمد لله"، يدخلان معا إلى داخل الحرم.. ومن بعيد تلمحهما "فاتن" زميلتهما في نفس الدفعة والتي تميل على أذن صديقتها "ابتهال" وتقول لها وهي منزعجة: "ِشوفي البت بتعمل ازاي؟! مش لاقيه حد يلمها.. حِكم!" *** ألوان - مصر - سنة 2000 ميلادية  تجلس "داليا" في كافيه "الدودة الشقية"، يقترب منها "مادي" أو "ميشو" أو "نونو" -مش فارقة كلهم".... !"- يسلم عليها بطريقة كفك الأمريكية الشهيرة.. تضحك "داليا" في "لا مؤاخذة"...! وهو يقول لها "إيه يا بت..أخبار الواد اللي ماشية معاه إيه؟"، ثم ترد عليه قائلة "بس ماتقولش عليه واد!".. يضحكان معا في "لا مؤاخذة" برضه، تجعل الجرسون الذي كان يعد الطلبات ليقدمها لهما يميل على أذن زميله وهو يقول له في قرف شديد: ِ"شوف البت بتعمل ازاي؟! مش لاقيه حد يلمها.. حِكم!" *** على طريقة مجلات الأطفال بتاعة زمان تعال نلعب اللعبة الشهيرة بتاعة "أوجد الاختلافات والتشابهات بين المشاهد والصور السابقة" وورينا كده كم اختلاف طلعته بين المشاهد الثلاثة الفائتة في الثلاثة.. كان فيه ولد وبنت في الثلاثة.. كان فيه تماس في العلاقة بين الولد والبنت وفي الثلاثة.. كانت الجملة الشهيرة دايما موجودة "شوف البت بتعمل ازاي؟! مش لاقيه حد يلمها.. حِكم!" دي أوجه التشابه تعرف إنت بقى تطلّع لنا أوجه الاختلاف؟! المرة دي مش هنغششك الإجابة طلعها إنت بقى لوحدك يا حلو..  وبعد ما تطلعها تعال نتناقش سوا فيما هو مرتبط بأوجه الاختلافات والتشابه خلينا نتفق على نقطة.. إن أغلب النقد فيما يتعلق بمفهوم "التحرر" بيكون مرتبط –عادة- بالبنت.. يعني غالبا العين لما بتشوف غلط مشترك وقع فيه الولد والبنت.. العين بتلقط البنت ومش بتلقط الولد.. بتدين البنت ومش بتدين الولد.. أو على أفضل الأحوال تحمل البنت المسئولية والخطأ الأكبر.. مع إنه سيادتك.. نفس الخطأ والإثم دي واحدة.. الواحدة التانية.. إنه مافيش تقريبا مقاييس محددة للحكم على فكرة "التحرر" و"الالتزام"  يعني زمان.. كانت البصة من المشربية معناها.. تحرر يستاهل المصمصة! ومن خمسين سنة.. كان لما واحدة ترد السلام على زميلها في الجامعة.. تحرر يستاهل المصمصة! ودلوقت.. المسخرة اللي بتحصل في بعض الكافيهات طبعا مالهاش وصف غير تحررررررررررر وحاجات تانية كمان.. وتستاهل الضرب مش المصمصة! ولذلك فإن السؤال المنطقي هيكون.. "إيه هي معاييرك للحكم على حد بأنه متحرر.. أو متحرر شويتين.. أو متحرر زيادة عن اللزوم" والسؤال اللي المفروض يسبقه "هي أصلا كلمة التحرر بالنسبة لك.. تعني إيه وبرضه كلمة ملتزم أو متحفظ.. معناها بيوصل لك ازاي؟" وهل لازم المتحرر -سواء ولد أو بنت- يكون في رأيك.. منحرف أو فاتحها على البحري؟ وهل لازم الملتزم أو المتحفظ يكون في رأيك برضه.. قفل ورجعي وظلامي ومتحجر؟! وهل تعتقد أن أي مجتمع ممكن يضع لنفسه قواعد ثابتة يحدد بها التحرر من الالتزام ولاّ ده أساسا ماينفعش على اعتبار إن حتى داخل المجتمع الواحد فيه أفكار وثقافات وعادات مختلفة؟؟ يعني مثلا اللي يمشي في الوجه البحري مايمشيش في الصعيد.. وبالعكس؟
__________________
 |
|
|
|
|
02-27-2009, 02:53 PM
|
#2 | |
|
مشرف سابق
من كبار مشجعي نادي الزمالك
تاريخ التسجيل: Nov 2008
الدولة: مصر
العمر: 26
المشاركات: 1,997
|
رد: تعال وقول ايه رايك فى تحرر البنت زمان ودلوقتى ؟؟
ايه يا عمونا الحلاوه دي جاااامد اخر حاجه بص يا سيدي انا ليا راي صغير كده يعني علي ادي اولا التحرر كلمه مشتقه من الحريه فيه مثل بقولك "انت حر مالم تضر " ده معني التحرر عندي اولا متضرش نفسك ولا تضر غيرك ثانيا واكب العصر مفيش مشكله الب ع الموضه اتكلم الموه اعمل الي يحلالك بس راعي انك في مجتمع مسلم وشرقي وزي ما انت عايز الناس تحترم شخصك وتحررك وافعالك وخصوصيتك انت الاول لازم تحترمهم انا شايف ان كل وقت وليه ادان بمعني ان لكل عصر ولكل جيل عادات وتقاليد فرعيه من عاداتنا وتقاليدنا الاصليه واللي بيحكم الحاجات دي كلها هو الوقت والمكان اللي عايشين فيه ومنقدر نحط معايير محدده وثابه للحكم علي التحرر او غيره بس ممكن نحجمها شويه من خلال الالتزام بالعادات والتقاليد والمعاير الاسلاميه والدينيه مشكور يا برنس :w37:
__________________
 اعتذر عن قله تواجدي في الايام القليله الماضيه وان شاء الله مع تحسن الظروف بتواجد معكم دائما
|
|
|
|
|
|
02-27-2009, 11:56 PM
|
#3 | |
|
مشرفة المنتدى الاسلامي العام
تاريخ التسجيل: Sep 2008
المشاركات: 9,511
|
رد: تعال وقول ايه رايك فى تحرر البنت زمان ودلوقتى ؟؟
موضوع جامد جدا قشطه على الموضوعات الخطيره ديه روعه روعه يعنى
انا اتفق مع استاذ احمد بس مش اوى اه نواكب على عينى وعلى راسي بس نتطور من نفسنا مش نولع فى نفسنا وتبقي البنت مش نعرف نحدد هى بنت ولا ولد ولو احتفظت بمعالمها تتهور مش تتطور وتبقي ماشيه ناسيه كل هدومها اه حريه بس حريه للبنت فى رايها فى فكرها فى طموحها فى تربيه الاجيال فى انها تثبت نفسها فى حاجات ليه قيمه مش حاجات تتضيع قيميتها الدين الاسلامى هو اول من نادى بحريه المرأة وبحقوقها يبقي مش ينفع نتخلى عنه ونسمى ده تطور او تحر او مهما كان المسمى بقي معنى التحرر انى اتحرر فى افكارى وارائى انى اطور من افكارى واتثقف وابقي عارفه كل حاجه الالتزام والاحترام هو احترام النفس وصيانتها من كل مكروه ممكن ابقي لابسه بنطلون وبدى وبشعرى بس خلى كل الناس تحترمنى مش معنى ده ان ده صح بس ديه حقيقه ان الالتزام مش التزام لبس او كلام الالتزام فعل ومش معنى انى ملتزم انا ابقي مش متحرر انا ممكن اكون ملتزم بس متحرر بافكارى مع ما يناسب مع دينى وعاداتى وما لايقلل من شانى والعكس صحيح الف شكر على الموضوع رائع بجد بس برضه مهما كان والعصور اختلفت وتقدمت بس هيفضل هناك فرق بين البنت والولد مش ينفع نتلاقى البنت فى القهوة وبتشرب سجاير ومخدرات وماشيه مع اولاد مش ينفع كده ديه مش حريه مش ينفع ابدا
__________________
ان شاء الله المسابقه الدينيه هتستكمل باذن الله لمن يحب ان يشارك واسفه جدا لانقطاعها  |
|
|
|
|
|
02-28-2009, 10:19 PM
|
#4 | |
تاريخ التسجيل: Nov 2008
العمر: 30
المشاركات: 1,075
|
رد: تعال وقول ايه رايك فى تحرر البنت زمان ودلوقتى ؟؟
اولا شكرا جدا لمروركم الجميل وردودكم الاجمل وبصراحه يا ابوحميد فاطمه قالت الى كنت ممكن اقوله انا وشكرا بجد نورتوا التوبيك
__________________
|
|
|
|
|
|
03-01-2009, 09:09 PM
|
#5 | |
|
مشرفة المنتدى الاسلامي العام
تاريخ التسجيل: Sep 2008
المشاركات: 9,511
|
رد: تعال وقول ايه رايك فى تحرر البنت زمان ودلوقتى ؟؟
ههههههههههههههههههههه
هنغش ولا ايه حضرتك صاحب الموضوع لازم تجاوب ههههههههههههههههههههههه مرسي لحضرتك ده نور حضرتك ده
__________________
ان شاء الله المسابقه الدينيه هتستكمل باذن الله لمن يحب ان يشارك واسفه جدا لانقطاعها |
|
|
|
|
|
| أدوات الموضوع | |
| طريقة عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر رد |
| قول رايك فى العضو اللى قبلك | beckham_250 | قسم العاب والمسابقات والأفكار الترفيهية | 128 | 02-20-2010 11:42 PM |
| موسوعة القصة القصيرة .... ( ورقة التوت ) | eng MKH | منتدى القصص و الروايات الادبية | 5 | 01-24-2009 05:23 AM |
| &_~ما يميز الرجل عن البنت~_& | slvster | منتدى التسلية و الترفيه | 12 | 09-27-2008 05:24 PM |
| الفرق بين زمان ودلوقتى ... | ملكة الزهور | منتدى التسلية و الترفيه | 0 | 09-12-2008 12:47 PM |
| الجواز فى مصر ....زمان ودلوقتى | امال | منتدى التسلية و الترفيه | 0 | 09-06-2008 02:11 AM |
برامج موبايل برامج نوكيا رسائل جوال رسائل موبايل دليل مواقع برامج سوفت برامج مجانية برامج صور×صور رسائل حب رسائل رومانسية رسائل عتاب نكت مضحكة برامج كمبيوتر فساتين زفاف 2010 برامج n73 برامج n95 برنامج تقطيع الاغاني برنامج محول الصوتيات
العرض العادي
